هل الزواج بلا حب يعيش.....؟؟؟

[غزل]

السلام عليكم و رحمة الله و بركاته

موضوع جدي هل الزواج بلا حب يعيش . أرجو من جميع الاعضاء الدخول و المشاركة بآارئكم.

هل الزواج بلا حب يعيش ؟ !! سؤال محير من الصعب الاجابه عنه
فهناك من يقول :

ان الحب هو الحياه والزواج بدونه قد يكون مصيره الفشل

وعلى الجانب الاخر هناك فريق :
يؤمن بأن الموده والرحمه والعشره بين الزوجين قد يصل بهما
الى اسما معاني الحب بل هو اقوى من الحب نفسه

وهذا الاختلاف من طبيعة البشر
ولكن لو نظرنا بمن حولنا لوجدنا ان
الزواج بدون حب (( خطر ))
بل انه يدق اول مسمار في نعش الزواج

والزواج ليس مجرد رباط اجتماعي بين رجل وامرأه ..
بل هو مسئوليه تقع على عاتق الاثنين معا
وشركه رأسمالها التفاهم العطاء بلا حدود

والحب بمثابة الماء والهواء الذي يمنح الزوجين
الحياه والبقاء والاستمرار في وجه أي عاصفه مفاجئه

هناك من يقول:
بان الزواج بدون حب امر مخيف
لان الارتباط العاطفي يجعل الاثنين في حالة شعور دائم بالامان ..
والزواج بدون حب يجعل كلا الطرفين غارقا في
الاحساس بالعزله والخوف والترقب
ويمتليء كل طرف بالرغبه بجرح الطرف الاخر

ويقول البعض ايضا :
اننا ندفع ثمن الزواج دون حب من صحتنا النفسيه والعقليه

لكن بالحب يكون بامكاننا الانتصار معا على المشكلات التي تواجهنا
ويمتليء قلب الانسان بالاحساس بأنه:
محبوب ومقبول لشخصه بكل صفاته الحلوه وغير الحلوه
بعيدا عن زواج المصلحه القائم على اسباب المال والمنصب
(( والذي دائما مايفشل ))

وفي الزواج القائم على الحب يجد كل طرف
القدره على الانسجام مع نفسه ومع شريك حياته
ولكن عندما يختفي الحب من الزواج
تصبح الحياه مع النفس ومع شريك الحياه عذابا ..
وترى الرجل يغرق في العمل والسهر خارج البيت
والمرأه تخرج غضبها في ابناءها ومشاكل دائمه بالبيت مع الزوج

وفي الزواج على اساس الحب
تعيش ونوافذ احاسيسك مفتوحه
لاستقبال رسائل الموده والتفاهم وارسالها
ومع الزواج دون حب تصبح النوافذ بالعقل مغلقه

وفي الزواج على اساس الحب انت تسعى لتحسين صورتك امام نفسك
وفي الزواج دون حب انت تتعمد هزيمة نفسك في النهايه

هناك مزايا لاتحصى في الزواج على اساس الحب
وسلبيات بلا عدد في الزواج بدون حب

ولكن الحياه علمتنا ان العواطف لاتخضع لقواعد ثابته
فهناك نماذج لاناس تزوجت عن حب وفشلت
ووصل الزوجان الى مفترق طرق وباتت حياتهما معا مستحيله
وهناك اناس تزوجوا بدون حب واستقامت حياتهما
ووصل الزوجان الى مرحله ساميه من التفاهم والرضا والسعاده

انها مسأله محيره فعلا ..
ولاندري أي الحزبين افضل

ولكني اؤمن بأن الحياة بلا حب شقاء
والمهم ان يسعى كل منا الى
اعلى درجات الحب مع النفس ومع الاخرين
حتى يصبح للحياة معنى

قد نتفق وقد نختلف
واترك لكم حرية ابداء الرأي في هذه القضيه الشائكه

[Dr Met3eb]

أكيد الزواج من غير حب يعيش والا كان دلوقتي محدش متجوز لأنها بتبقي عشره وأنا أعتقد أن الحب يأتي بعد الزواج أيضا وليس قبله فقط

[غزل]

عندك حق يادكتور متعب ده راى انا كمان
ممكن يكون الحب قبل الزواج كان لفترة طويلة وبيقل بعد الزواج

[دموع الورد]

اكيد طبعا بيعيش
بالعكس الزواج التقليدى افضل بكتير من الزواج عن حب
سواء كان فى حب قبل الزواج او لا فالمشاكل موجودة موجودة
ووقت المشاكل بقى اقرى الفاتحة ع الحب
لكن طبعا المشاكل دى بتقوى الحب وبتديله طعم

فشل الزواج او نجاحه ف رأيى مش معتمد بالدرجة الاكبر على وجود حب قبل الزواج او لا
دا مجرد عامل من عوامل كتير تانية بيتبنى عليها عش الزوجية

الحب بعد الزواج بيختلف تماما عن الحب قبله
بالعكس ممكن فى ناس كانت ع علاقة قبل الزواج وبعد شهر من الزواج تلاقيهم ملو
وانا اعرف ناس كتير جداااااااااااااااااااااااااااااااااااااااااااااااا ااا كدة وللاسف منهم اللى انفصل

[sawman]

ايه التفاؤل ده كله
انا بحسب هدخل بقي الاقي الناس بتزعق في غزل ويقولو لها ازاي تقولي كده؟
الاقي الناس عااااادي ومؤمنين ان الزواج ممكن يعيش من غير حب

طبعا انا مش هقدر احجر علي رأي حد
بس انا في رأيي شايف يستحيل الزواج يعيش من غير حب
لأن ببساطه
حب = تسامح
تخيلوا بقي عيشه ما بين اتنين بقالهم مثلا يجي 10 سنين ومش بيسامحوا بعض

أنا عاوز اقول ان الازواج حاليا أكيد بيحبوا بعض بس الحب تاه وسط مشاكل الحياه لكن صدقوني وشوفوا لما بتحصل مصيبه او مشكله كبيره ازاي الحب بيظهر وفي أجمل صوره كمان

[مسافر بلا وطن]

يا سو مان أي حب تقصد هنا ........................

دلني وأخبرني , واطرح لي تبريراتك , علها تطرح أرائي أرضا ,

أي حب تقصد . بالله عليك لتخبرني , , ومن أين أجيء بمحبوب

بالله عليك لتخبرني , أوضح فالامر به عتمه , والان القلب به ظلمه , والعين من بعد الدقه , صارت واحد علي سته ,

[دموع الورد]

احنا نقصد ف كلامنا يا سومان
انه مش شرط انه يكون فى علاقة حب قبل الزواج
ممكن فى فترة الخطوبة
ولازم تكون فترة كافية لوضوح المشاعر وكل واحد يفهم التانى ويشوفو هيقدرو يكملو ولا لأ
اصل من غير حب الحياة مش هتستمر
بس مش معنى انهم ميعرفوش بعض قبل الخطوبة معناها انهم مش هيحبو بعض ولا هيتفاهمو

[sawman]

المسافر :- انا قصدت في ردي الحب بين زوجين

دموع:- آه طبعا انا فهمت قصدك وانا متفق معاكي ان مش شرط يبقي فيه حب قبل الزواج بس ع الاقل تفاهم مش شرط حب
وده غالبا اللي موجود

[دموع الورد]

تمام هو دا قصدى
انا كنت بتكلم ع جواز الصالونات اللى محدش منهم يعرف التانى قبل كدة بس ربنا بيهديهم لبعض وبيتفقوا