انتهاء العالم 2012 حقيقه بالدليل

[msd]

المشاركة الأصلية كتبت بواسطة sawman

بدام الكوكب ده موجود من زمان
يبقي تاثيره علي كوكب الارض من زمن كبير
مش أول ما اكتشفوه يبقي اكتشفوا انه له تاثير
ضار علي كوكبنا
بدام له تاثير ضار يبقي المفروض كان يضر كوكب الارض من 4100
سنه ولا هوه لسه مكتسب موضوع الجاذبيه ده من قريب!!!!!!!!!!

المشاركة الأصلية كتبت بواسطة death _designer

ب
كوكب nibiru هو كوكب يدور حول الشمس في نفس مسار الكواكب الاخرى ولكن على مدى ابعد حيث توصلو العلماء الى ان هذا الكوكب يستغرقه في دورانه 4100 سنه لاكمال دورة واحدة حول الشمس , اي انه قد حدث له وان اكمل دورته السابقة قبل 4100 سنة وهذا ما يشرح لنا سبب انقراض الديناصورات والحيوانات العملاقة قبل 4100 سنة تقريبا وانفصال القارت عن بعضها البعض ( ما عرفناه بالانفجارالكبير ) .

شفت الرد موجود فى الموضوع

[sawman]

بالله عليك ياعم
msd
بقي هوه التاثير اللي عملوا الكوكب ده علي كوكب الارض من 4100انقراض الدانيوصرات وتباعد القرات عن بعضها
طب لو هوه التاثير علي قد كدا -ده لو افترضنا ان الموضوع ده صحيح -خايفين ليه بقي ويقولك دي نهاية العالم
معلومه:-في اكتر من 10 اسباب لانقراض الداينوصورات
وبعدين ماشي انا معاك
طب ليه مش قادرين يذكروا تاثير الكوكب الضار ده كل دوره بيعملها
يعني هوه كل دوره بيخللي الديناصورات تنقرض هههههه
طيب دي دوره ادت الي انقراض الدورات طب فين بقي تاثير الكوكب ده علينا بعد كده
يعني هل يعقل ان كوكب الارض بيتدمر كل 4100 ؟؟؟
والله كلام يضحك

[msd]

هما البشر على الارض بقالهم كام سنة
كام 4100 سنة مرت عليهم
الادوات و الاجهزة العلمية كانت متوفرة انها تقيسلك الاضرار اللى حصلت للارض لحد كام سنة فى الماضى
انت متخيل ان انقراض الديناصورات حاجة سهلة
او تباعد القارات بعد ان كانت كلها متصلة حاجة بسيطة
تخيل كرة بحجم الارض سمكها نفس سمك الارض و تتكون من نفس العناصر التى تتكون منها الكرة الارضية تخيل القوة الازمة للتأثير عليها بهذا الشكل لتنقسم لكل هذه الاجزاء

ولم يتدمر كوكب الارض تماما فقط كل ما سيحدث هو:

المشاركة الأصلية كتبت بواسطة death _designer

حيث انه بمرور هذا الكوكب بالقرب من الارض سوف يفقد الكرة الارضية قوتها المغناطسية وبالتالي سيكون هناك خلل في التوازن الارضي مما سينتج عنه زلال هائلة وفياضانات شاسعه وتغيرات مناخية مفاجئة حيث تقضي على 70 % من سكان العالم (كل شي بأذن الله)
كما انه حتى وان اكمل طريقه وصار على مقربة من الشمس فأنه سوف يأثر على قطبيتها وبالتالي ستحدث انفجارات هائلة في الحمم الهيدروجينية على سطح الشمس مما سيؤدي الى وصول بعض الحمم الى سطح الارض حيث ستؤدي الى كوارث بيئة عظيمة.

كما جاء بالتقرير
و مش العجيب ان التاريخ اللى يحدده العلماء فى الوقت الحالى بكل الوسائل العلمية و التكنولوجية
يتوافق تماماً مع نفس التوقيت الذى حدده تقويم المايا من حوالى 1000 سنة

وشوف دى لقيتها و انا ابحث عن اصل الموضوع
توقع نهاية العالم
يوم 21-12-2012 ويقول علماء الفلك سيكون في ذلك اليوم شروق الشمس من مغربها!!وان صح ذلك فليس معناه نهاية العالم بل هذا مرتبط بعلامة من علامات ظهور الامام المهدي (( ويوم نبدل الارض غير الارض))

و للحديث بقية
غداً ان شاء الله

[sawman]

علي فكره عاوزين بس ما نتجادلشي جدال عقيم
الموضوع كله ميديا وفرقعه والناس تهلل وخلاص
اسال نفسك بهدوء
ايه الدليل علي الكلام ده؟؟
مين اللي يقدر يراجع ورا ناسا
هوه اي كلام يقولوه نصدقه
هما يقولوا ولا الضالين نقول احنا آمين؟؟
وبعدين انت بتقوللي البشر عندهم كام الف سنه
ياسيدي ده كان في حضارات زمان ترصد دبة النمله
يكفي ان حضارتك دي عجزت عن فك طلاسم حضارات تانيه قبلها
يعني في احداث كتير حصلت قبل مليون سنه وحضارتك دي بتفتي فيها زي الفتايين
ولو حدث غامض تقوللي اصل احنا ناس جديده في الكون ومنعرفشي اللي حصل من سنين بعيده؟
اذا كان هما بيفتوا في سبب تحور الجراد في العصر الطباشيري الاول !!!!!!!!!!
ومستكتر 4100 سنه بس
وبعدين انت بتقوللي مفيش تدمير هيحصل ولا حاجه ده كل اللي هيحصل
حيث انه بمرور هذا الكوكب بالقرب من الارض سوف يفقد الكرة الارضية قوتها المغناطسية وبالتالي سيكون هناك خلل في التوازن الارضي مما سينتج عنه زلال هائلة وفياضانات شاسعه وتغيرات مناخية مفاجئة حيث تقضي على 70 % من سكان العالم (كل شي بأذن الله)
بس هوه ده بس
يللا جات سليمه والحمد لله
لأ وبقدم المشيئه !!!!!!!!!!
وارجع واكرر سؤالي تاني
هل حصل قبل كده زلازل وفياضنات وبراكين وتغيرات مناخيه
وتدمير 70 في الميه من البشريه كل 4100سنه؟؟؟
يعم ده بيولوجيا ده لو ده حصل مره واحده بس كفيل بان تختفي كائنات واجناس باكملها وتظهر اجناس جديده باكملها
ومن المعروف ان السلسله البيولوجيه تسير في استقرار بطئ جدا

اما عن حضارة المايا
في دي تتطلع ايه في الكوتشينه؟؟؟
انت مقتنع
اوكيه
انا مش مقتنع

[GODY]

المشاركة الأصلية كتبت بواسطة walaa

الكلام واضح انه ملفق طبعا الأول بيقولوا أن الناسا اكتشفت الكوكب المجهول نيبرو وبعد كده يقول بس ناسا بتحاول تغطى ع الخبر، ياحرام أصل ناسا خايفة على مشاعر الناس، لأ طبعا قالوا ان ناسا غطت ع الخبر علشان اللى يجي يعمل سيرش عن الموضوع وميلاقيش حاجة يقول اه فعلا دي ناسا غطت ع الخبر (الغيب بيد الله وحده) واحنا عندنا علامات صغرى وكبرى نقيس عليها مش مجرد ناس بتعمل اشاعات نمشي وراهم

>>>>>>>>>>>>>>>>>>>>>>>>>>>

[.eslam]

يا جماعه التقرير بتاع ناسا طلع بعد الفيلم الاجنبى المشهور
2012
والذى يتحدث عن نهايه العالم سنه 2012
ده معقول يعنى
وبعدين دى حاجات من الغيبيات محدش يعرفها هو حد عارف حاجه
كما ان الله سبحانه وتعالى يقول ( وما اوتيتم من العلم الا قليل ) صدق الله العظيم
فالموضوع كله احتمالات ولو كان له دلائل محدش يعرف حاجه
كل شىء بايد ربنا

[death _designer]

المشاركة الأصلية كتبت بواسطة sawman

بالله عليك ياعم
msd
بقي هوه التاثير اللي عملوا الكوكب ده علي كوكب الارض من 4100انقراض الدانيوصرات وتباعد القرات عن بعضها
طب لو هوه التاثير علي قد كدا -ده لو افترضنا ان الموضوع ده صحيح -خايفين ليه بقي ويقولك دي نهاية العالم
معلومه:-في اكتر من 10 اسباب لانقراض الداينوصورات
وبعدين ماشي انا معاك
طب ليه مش قادرين يذكروا تاثير الكوكب الضار ده كل دوره بيعملها
يعني هوه كل دوره بيخللي الديناصورات تنقرض هههههه
طيب دي دوره ادت الي انقراض الدورات طب فين بقي تاثير الكوكب ده علينا بعد كده
يعني هل يعقل ان كوكب الارض بيتدمر كل 4100 ؟؟؟
والله كلام يضحك

وليه لا ممكن فعلا تكون الارض بتتدمر كل 4100 سنه
لان فعلا فى كتير جدا من المخلوقات انقرضت
وكل دا طبعا بمشيئه ربنا وارادته يبقى ليه بقى نستعجب

[msd]

المشاركة الأصلية كتبت بواسطة death _designer

وليه لا ممكن فعلا تكون الارض بتتدمر كل 4100 سنه
لان فعلا فى كتير جدا من المخلوقات انقرضت
وكل دا طبعا بمشيئه ربنا وارادته يبقى ليه بقى نستعجب

انا مش عارف هم مش مصدقين ليه
يا جماعة احنا ماقلناش نهاية العالم قلنا تغيرات وكوارث
و انا كل اللى يهمنى الكلام اللى قدامى
كلام علمى و منطقى 100%
و لو مافيهوش اخطاء يبقى فعلاً اللى فيه سيحدث الا لو ربنا ستر

المشاركة الأصلية كتبت بواسطة sawman

ايه الدليل علي الكلام ده؟؟
مين اللي يقدر يراجع ورا ناسا
هوه اي كلام يقولوه نصدقه
هما يقولوا ولا الضالين نقول احنا آمين؟؟

طب دول علماء بحثوا ودوروا يعنى مش بيجيبوا حاجة من دماغهم
انت بحثت ودورت لقيت عكس كده
يعنى هو خلقنا لكى نعترض وخلاص
يعنى حضرتك عارف شغلهم اكتر منهم

طيب ادينى سبب يخلينا ما نصدقش
انا عن نفسى اثق فى العلماء الكفرة دول فى شغلهم اكتر ما اثق فى كتيير من الشيوخ اللى بيفتوا و يتخانقوا مع بعض على التلفزيون

المشاركة الأصلية كتبت بواسطة sawman

هل حصل قبل كده زلازل وفياضنات وبراكين وتغيرات مناخيه
وتدمير 70 في الميه من البشريه كل 4100سنه؟؟؟
يعم ده بيولوجيا ده لو ده حصل مره واحده بس كفيل بان تختفي كائنات واجناس باكملها وتظهر اجناس جديده باكملها

و الله العلم و و دراسات علماء الاحياء و البيولوجيا قالو كده
و فى دراسات تؤكد انقراض اكتر من 20,000 نوع من الكائنات الحية
و لعل اشهرها هو الديناصورات

[فجر الياسين]

يا جماعة الكلام ده شائعات وهو كلام مش صحيح

سوف يمر بالقرب من الكرة الارضية على مسافة تمكن سكان شرق اسيا من رؤيته بكل وضوح(2009)

طب وليه محدش شافه وقالنا
ولو كانوا شافوه كنا عرفنا

وهنا بعض ما نشر عن علماء من مختلف الدول عن هذه المسألة :-

-عالم الفلك الفرنسي (نوستراداموس) (سنة 1890):حيث تنبأ بأن الكواكب التابعة للمجموعه الشمسية سوف تظطرب بنهاية الالفية الثاني وستسبب دمار الحياة بعد 12 عاما فقط.

-عالم الرياضيات الياباني(هايدو ايناكاوا )(1950): حيث تنبأ بأن كواكب المجموعه الشمسية سوف تنظم في خط واحد خلف الشمس- وان هذه الظاهرة سوف تصاحب بتغيرات مناخية وخيمة تنهي الحياة على سطح الارض بحلول 2012 .

-علماء صينيون :بداية نهاية العالم ستكون في ديسمبر 21 من عام 2012 حيث يكون الكوكب المجهول في اقرب نقطة له من الارض وفي عام 2014 سيصل الى نقطة ينتهي فيها تأثيره على الارض مكملا مساره الشمسي حتى يعود مرة اخرى بعد 4100 سنه.

كذب المنجمون ولو صدقوا